= Kokborok kokrwbai kwrwng Samarendra Chabdra Debbarmabai swijak “Tripura Smriti’ mungwi 1927 bisio kaisa bijap swijakkha. O bijabono “Resiyar Khagra” rwchapmungno bo twiwi khursaui swijakha. Resiyar Khagra wngkha Chobao thangwi thwijanai sengkwrakrokno muitu khwlaiui bihik bai kha khamwi rwchapjak rwchapmungno hino. O resiyar khagra rwchapungbo tiprasarokni dal bidal rwchapmungrokni bisingo kaisa hinwi mano.
Resiyar khagra rwchapmungno twiwi sana thangkhe sathai kwlaio 184 bubagwra o hano naikolwi hani luku tei binondiyarokno twidullangmani saimano. Abohai ha naikolthani tei prajarokno twidulna thangnani kaisa bai tai kaisa hani bubagwrani bisingo choba nanglaimani nukjago. Choba wngkha kaisa bodol kwpwlai wngnai tai kaisa bodol kecheng wngnai abo jotono saimano. Haini bagwi bubagwra bini ha ario tai kaisa hani bubagwra choba khainain hinwi koktwma mankhe bo bini binondiyarokno karwibo hachuk tai kami mulukrokni phangwnang siklarok, kaijakma kwtal, nukhung khaijakrok chwlarokno bubagwrani thani thumwi tubuo. A jorao phangwnang siklarokno thumnani bagwi “Phurai” hinwi raida kaisa swnamjak tongo. Bubagwrani binondiyarok hachuk tai kami mulukrogo beraiui kok awaikhwlaio eba sakwlaio. Abohai sakwlaimung khwnaui bubagwrani kokno norya karwi hasteni sikla, kaijakma kwtal phangwnangrok nok-huk tai hik kwtalno yakarwi chobao ma thanglaio. Chobao thangkhe chwng jotono saimano baksa thwinai tei baksa kiphilnai. O chobao thangwi thwijaknairokni bihiksong kha khamma paithak logisongno kwmajagwi kabwi kokthai kholwi rwchapmung rwchaplaijao. Abohaikhe rwchapmani rwchapmungno hino Resiyar Khagra.
Laibumano rwgwi naikhe nugwi mano bubagwra dongorphani ha naikolma jorao choba belaino nango hinwi samani khwnao. Bubagwra dongorphano taisa mungbai sinijago abo wngkha Harirai mungbai. Tai bo bubagwra Ratna manikyani bupha. Dongorphani ha naikolmani jorao kubun hani bubagwra ha seknani bagwi kwbangkuk choba khwlaio ,haini bagwi bubagwra bo phan kwrak tei sengkwrak kwbangkhe choba khwlainani bagwi bini hasteni kaijakma kwtal tei phangwnang siklarokno bo thumwi tilangkha. Yango bihik bwsaibai kahamkhe mwkhangse nukya tei nukhungse ma khaiyakhu naisingwi tongjao bwsaino. Phiyaba chobao thangwi baksa kiphilo tai baksa kiphilya wngmano nugwi tei chamiri kwtal chobao thwikha hinwi koktwma khwnaui nogo tongnai horsani hamjwk kwtal kha khamsugwi sakni thwi twi charimano mokolni muktwi swnamwi kwpal buwi kha buwi rwchabwi kapkwrak kapmungno Resiyar Khagra hinjago.
Samarendra Chandra Debbarma bai thumwi swijak Resiyar Khagra rwchapmung bwtang tangsa tangnwi khamao swiui phunukjagano——
Haduduk kolok maisui pinjagoi—
Pagori nurugliya, jadu pagori nurugliya,
Twigereng gereng gati chakjagoi —–
Rihinoi khonaliya , jadu rihinoi khonaliya,
Maising siyari bangmani bagoi——
Naharoi nurugliya, jadu naharoi nurugliya,
Paithak:-