Kothomayung tamo?

Kothomayung wngkha borokni rwbaini langmani mangpili. Kothomayung kaisa kothomano kok, kokthai bangriwi eba kwbangkhe kokbomni Raidano rwgwi swijago. Hoda tei hodani tongkosong tongnai Borokrokni tongmung-chamung langmano twiwino kokthomayungni kok wajago. Kothomayungo tongwrwng kwbang wngnai tei kothomabo kaisani swlai kwbang wngnai. Novel kokthai Italian kokthai Novelliani naharjago oboni kokmang wngkha kwtal. Kokthomayung swina thangkhe….

bachisai (Fifty thousand) kokthaibai swina nangmani Raida tongo. Kokthairok tongmung bachisaini swlai kisa wngkhe soi soi kothomayung eba complete Novel hinjakya. Abohai soi soi kothomayung wngsukyano Novella hinwi sinimung rijago. Kokrwbaio kothomayungno kokbomni bokocho hinwi mano. Kothomayungni laibuma naiwi naikhe Hayungni swkang puila swijak kothomayung 11^th Centuryo Japani khoroksa Bwrwi swikwrwngjwk ‘Murasaki Shikibu’ “The Tale of Genji” mungwi puila kothomayung swio.

Related Study Materials