Kokborok kokrwbai swikwrwng mwchang Narenda Debbarma bai swijak “kukila nwng tamoni aswk pung” koklop 1988 bisio “kukila nwng tamoni aswk pung” koklop bijabo karijakha. Koklopnai bini o koklopni bisingtwi hoda-dophao samung kaham tangnai bai samung hamya tangthani mokolo, khao, wansukmao bahaikhe wansukjak o kokno khursai phunukna naijakha. Borok wngwi achai phaikhe baksa kaham wansuknai tei baksa hamya wansuknai.
Koklopnai bini o koklopni bisingtwi kukilani bisingtwi kahamni goronno khursai phunukna naijakha. Chwng jotono saimano kukila tok wngkha kahamni jorao pungnai tok tei bini khorang amswkno kwtwi hayung gwnangwi kha swrango. Koklobo nukkha kukila hoda-dopha tei borokni bagwi kaham wansugwi samung tangmani. Bo sapung sal kolokma chaya nwngya karwi hayungo tei borokni khao bini kwtwi khwnathok khorang pungo kuhu kuhu hinwi. Bini o khwnathok pungno khwnai borokni kha swrwngwi tei lengmarok pogwi thangjago. Abo simiya cherai kapkwrap phanose bini o kwtwi pungno khwnakhe muktrwi laijakha. Abono karwibo sarik jora hindi, dipor jora hindi sapung sal kolokma kostono kosto hinyawi hani, lukuni hamkwraini bagwi kami brum brum nok brum brum selerya karwi pungo. Bole amswkkheno borokni bagwi hoda-dophani hamkwraini bagwi sakni kosto kosto hinya karwi salbrum brumno kwtwi khorang kari pungo, tophanose borokrok eba lukurok bini bagwi wansukya , kaham saya, Chariya-khanriya. Abo simiya bono hanang pinang, sak nangya-khuk nangya khwlai lachimung rio.tai kebo khairoknai kwrwi haiphano bo khao kha twiya , joliya, nasleya kebono khano kaham wansugwi borokni, hoda-dophani hamkwraini bagwi saktharwi samung tango.
Kukila nono nasigwi wanao ang Nwngba bahaikhe joliya tongmang?
Phwrwngwi rikha kukila chwngno buini hamjakma maya phano tongdi tobo
lukuni hamari naidi
toni manya bini jalabai tei bini kwkha khorangbai ka-ka hinwi pungma khwnakhe lukurok cherai khonai bebakno jala nangjagwi khao jolima, naslema , phaio. Haiphano bono chaya , sitwram seler hinwi saimanphanose borokrok bono khairogo , bono maya khaiui chariot khanrio. Abo simiya sarikni maichang bara tongkhe aikhe bono ringwi chario khanrio, bohaikhe borokni khairokmung, tei hamjakmung manwi bo taibo tongmung sitwra, samung sitwra tango. Haiphanose lukurok mungsa khuksa hinya saya bono taise khairogwi hamjagwi maya khwlaiui chariot-khanrio. Phiyaba kukila koklopno rwgwi naikhe oro taibo nugwi mano tokhani bisingtwi hamyani goronno phunukmani. Tokha dalsa tok. O tok belaino sitwra, kosom tei khorok kwkha, hamya-chaya somsok tubuo. Taise nok brum brum, kami brum brum buini nokni toksa, manwi-khwnai khogwi chanai. Nokholao manwi mungs aboamswk kaham, luku hamkwrai, hamarini bagwi saktharwi samung tangnainokhe lukurok khairokya, maya nangya, Chariya-khanriya. Haphani kukila lukuni hamari naio.
Paithago koklopnai sananaikha hayungni joto borokrokno kukila haikhe samung-homung tangnani tei lukuni hamari wansuknani kokno. Kukila amswkkhe sak nangjakya, maya khwlaijakya, chari- khanrijakya, khairokjakya buibai buibai hamya sajakphano hinjakphano bo kebono joliya, nasleya, chajakya wngyawi borokni hamkwrai tei hamarini bagwi samung tangmani. Koklopnai hoda-dophani tei hayungni tokhahai tongmungno tongnai lukurokno kukilahaikhe wansuknani tei samung-homung tangwi dophani hamkwrai khwlainani kokno kwcharo.