Kokthum by Bikash Debbarma
Bodhrai Debbarma 1956 bisini December talni 28 salmario Mandai amchaini Chargoriya kamio koklopnai Budhrai Debbarma achaio. Bini buphani mung wngkha Dayal Chandra Debbarma tei bumani mung hinkhe Sauni Debbarma. Cherai jorao bo kamini rwng nogono porio. Aboni yagulo Jiraniani Birendra Nagar Higher Secondary School-o porikha. Ulo College paimani yagulo Tripura University-o ‘বাংলা ভাষা ও সাহিত্য ‘ naui MA khwlaio. Bo rwngnogo poriwi tongphuruni simino kokborok koklop swinani chengo. Tabukbo bini swima thakyawino swiwi tongkho. Koklopno karwibo bo kokwanjwibai kokkhalrog swio Tripura hasteni dal bidal Magazine tai bijaprogo.
Tabukswk jora bini bijap karijakmani bisingo tongo-
1) Kolomtwi Rungkhu 1997 (KOKLOP)
2) Sal Hapna Swkang 2002 (KOKLOP)
3) Sikla Nini bagwi 2015 (KOKLOP)
Bini swijak kokloprogno karwibo KOK ELEM/ LANGUISTICS-no twiwi kwbangma kokkhal swikha ndal bidal jagao. Khwnamatwi hinkhe bo Tripura niversityni wngwi Bangla subject-o P.hd Degree khaithanio chaitokmung kahambai P.hd degree mankha.