Kokrwbai swikwrwng Pradip Murasing bai swijak” Mangswng” koklop 1999 bisio Shyamlal Debbarma bai karijak “anji” kokrwbai bwlaio karijakha. Koklopnai koklopni bisingtwi swkango borok dophani ha, tongkhor,hukumu tei lukubosong khobwi tongkwchang, tongthok-chathok jora tongmani wanama kwrwi sukba sakba chuchu borarchi bosong khobwi laibuma yarwng surwi phailaimani. Phiyaba tabuk jora swlaijakma bai tongkhor, hao mwnak, kwkha kubulwi hani lukubosongni sakao jwngjal tei mwnak bai kubulwi langmano kochogwi chogwi tonglaimani kokno khursai swiphunukna naijakha.
Kebo kwrwi gana-gini
Kwluk paikha athukiri,
Boromgwnang ani achu borarachi chini—
Jora tabuk dipor khegwi
Sanja naharjak